2010年11月19日星期五

全家幅

某人話要貼張全家幅係屋企,有鈿鈿,有霑霑的,問我好唔好。當我答唔好的時候,有人同我講,我姓陳,佢姓陳,係咪貼一張全家幅都唔得??

我係唔想呀~~ 1, 我唔想日日都見到你老豆個樣!! 2, 一家人....乜唔係指我哋 3 個咩?? 連一張 3 個人一齊的相都冇,點解要放一張咁多人架?? 3, 點解只係得姓陳,姓戴呢?? 有冇諗過!!

佢姓陳就咩都係陳家的野,咁我呢?? 咁不如我搬走留返間屋俾你同霑霑啦~~ 好唔好?? 搬咗咁耐,有冇諗過幫我搬 d 野上去?? 有冇諗過留返 d 位俾我用?? 我覺得冇囉~~ 你成日話仲有好多吉位,你有冇諗過放埋我 d 野之後,仲有冇吉位??

我聽到你咁講...... 我個心好痛好傷..... 你知唔知??

2010年11月12日星期五

陳渝霑滿月~

霑霑今日滿月啦~~ 今日亦都係我第一次同佢沖涼...... 都算ok 啦~~~

2010年10月17日星期日

小小文出世啦~~~

一早七點幾突然開始有 d 想去廁所,點知.....都係去唔到.....心諗.... 唔係生得呀?? 點知一返上床有耐,覺得個肚被小小文踢咗一野.... 跟住 feel 到下半身濕濕地,一睇... 見紅 wo~~ 第一時間打話俾大小姐,希望佢未出門口,可以幫手找的士去醫院啦~~ 點知....找唔到喎~! 跟住咪找小文啦,佢已經去到中環啦,返唔到黎.... 只好通知大當家一聲,我就 call 999 囉~!!! 跟住收到大當家電話話找到大小姐,結果就由大小姐陪我入院囉~!!!

一路由 call 車到入到醫院時,已經每 5 分鐘痛一次,心諗... 要痛幾多個鐘才生得呢?? 未辦好手續時,好肚餓.... 想食野.... 姑娘話未 check 完.... 唔俾食.... >< 到見到醫生時,一話食得.... 好似咩咁.... 立即食咗才算..... 痛都唔理啦~~~ 檢查完之後,已經開始 2-3 分鐘一次,不過有時又成 8 分鐘才痛一次.... 不過慢慢越黎越痛,條腰仲痛到呢~~ 想拆咗佢出黎!! 慢慢越痛就越唔可以用呼吸黎 relex.... 仲勁想用力柯佢出黎添~~ 見到對面床果個插晒機,又好似痛過我都未入得產房,心諗.... 咪有排痛?! 可唔可以開刀呀?? 我忍唔到痛啦~~

亦因為頂唔順,開始大叫起黎~~ 亦都因為我叫,才有人理吓我~~ 點知姑娘一睇.... 就話 4 度囉~~ 要立即換衫去產房!! 當時第一時間話要打電話俾老公同埋飲水..... 不過... 冇人俾水我~ >< 換衫咗手術袍之後,姑娘話被返件病人衫,費事我走光囉~~ 但當時我實在太痛啦~~ 所以我只係講咗句:唔理啦!!!

話返轉頭,打電話俾老公時,因為太痛的關係,只係話俾佢知我入產房,至於係邊座幾樓.... 完全冇講..... 不過這 d 都唔係咁緊要,我最怕係打唔到俾佢~~

入到產房叫你聞氣..... 因為太痛.... 痛到唔記得聞... 亦都因為佢哋太忙啦~~ 所以態度兇狠,所以好快知道幾時要聞,幾時要停!! 初初因為唔識用力,所以都生得幾辛苦.... 亦因為咁...小文趕到黎時,小小文只係出咗個頭仔.... 爹爹黎到,可以專心努力咁生啦.... 但唔知點解,突然間個喉嚨咳咗 d 野出黎... 我以為係啖,冇立即吐出黎,點知原來有血慢慢咁流出黎。醫護人員以為我咬損咗咀唇,又冇喎..... 跟住就叫我吐出黎,點知~~ 原來係一舊血啖!! 所有人以為我咬到條脷,伸出黎,又冇事!! 其實起身到這一刻,我一啖水都冇飲過~~ 又係度叫叫叫.....或者因為咁....叫損咗個喉嚨啦~~

咳咗出黎舒服晒,繼續專心用力推小小文出黎~~ 但點知用錯力,俾醫護人員兇我,話我再係咁亂黎的話.... 唔生啦,去開刀啦~~ 太危險啦!! 一聽到咁.... 立即怯一怯.... 痛咗咁耐才話去開刀,咪玩啦~~~ 努力找返度力先~~ 跟住又聽到醫護人員話小小文俾臍帶纏實,我又聽唔清楚纏住咩,所以用力一推..... 小小文就出咗黎啦~!! 係我 feel 到有舊野出咗黎的同時,我 feel 到個肚暖暖地..... 我果刻終於知道生仔係點架啦~~~

小小文於 2010年 10 月 14 日出世啦~~~~

2010年8月28日星期六

嚇死咗~~

昨晚有個衰人好辛苦咁要做野做通宵........其實做通宵係好辛苦的一件事,唔應該叫佢做衰人 gei~~ 但......佢一個電話都冇......嚇到我傻咗....你話佢衰唔衰呀~~

昨晚七點幾收到佢個 message 話要緊急開會,唔返黎食飯。咁 ok 啦,咪同富爸爸一齊食囉~~ 哈.......仲煮咗餐 mum mum 俾富爸爸食添~~!!

到咗十二點幾人哋都仲未返......我又實在太眼瞓啦~~ 只好.......自己去瞓先啦~~~~ 三點幾,醒咗.....但係..........隔離冇人 gei?? d 燈又未熄 gei??? 去咗邊呀???? check 電話,冇 miss call,冇 message.......打電話,冇人聽!!!!!! E~~~~~ 咩事呀?????

等吓等吓又瞓咗.......這次一醒,五點.........隔離仲係冇人~~~~~~ what?!?!?!?!?!?!?!?!?! where you go????? 這次我成個人慌晒.......check 電話,冇 miss call,冇 message,打電話,冇人聽........你去咗邊呀??? 只係識不停咁問這句..........去廳,冇人、開門, d 鎖冇變過,即係冇返過黎........

這一刻.........心慌了~~ 完全唔知點算好,只係識得喊........想打電話返小西灣,但又怕嚇親奶奶.....想找個人講吓......但......五點幾....可以找邊個呀?? 定係等六點幾,坐車返去?? 結果........咪一直都瞓唔著囉~~~左手帶住結婚介指,右手拎住個電話,一路喊,一路等..........等到天光.......唔知幾時又瞓咗........

七點幾........電話響了~~~ 等到了~~ 失控了!! 只係想快 d 見到你~~ 係你未返到黎,我又瞓著咗...... 但最終都見到你~~ 安心了!!

唔好再嚇我啦.......唔嚇得架~~!!!! 情況點都好.......一個 message 呀.....有人會好擔心你架~~!!!!

2010年8月23日星期一

執屋趣事~

以下係兩則無聊低能事:
事件 1:
有兩公婆執咗 d 玩具入玻璃櫃之後的對話:
老婆: 如果開咗支射燈,咁咪好靚囉~~ (心想,咪好似人哋 d display 咁囉~~ ^__^++ )
老公: 吓........我拆咗個插蘇喎......
老婆: 我知呀.....講吓之嗎~~ (其實個老婆心知支射燈係永遠都唔會開架啦~~~)

事件 2:
老婆見早起身,再加上昨日買咗個新煲,咪諗住清潔好佢,等陣間老公起身後可以煲麵食囉.......但點知當老婆洗好晒個煲,諗住煲吓個新煲時,發現個電磁爐唔 work 喎............死~~ 唔係咁玩野呀?? 等完塊石,買到個煲,點知原來電磁爐係壞的.......又要等等等呀~~~~~~

當老公起身時,老婆報告事情的始末啦.........老公好快咁諗,會唔會係昨日買返黎個煲唔 support 架?? 跟住就拎咗買爐送果個煲黎試吓........點知都係唔得喎~~ 咁咪叫老婆打電話去 check 吓個爐會係咩問題,而老公自己而亦都好勇咁去 check 吓個爐咩問題........會唔會個爐有另一個 power 制未開?? 又冇喎~~ 亦見唔到個蘇頭有開關..........而老公亦好聰明咁將個插蘇插去另一個蘇頭到,睇吓係咪個爐有事........結果~~ 咪係個爐冇事囉~~~唔通個蘇頭壞咗???? 老婆心諗,唔係咁大獲呀??? 個蘇頭家陣整唔到喎.......成個廚櫃頂住晒......... 咁點算呀???

這一刻........老婆眼尾望到個電箱,心諗.......唔通跳咗 fuse 唔知.......二話不說就叫老公 check 吓.....一睇........原來裝修師傅好心,未開大制......老公開返個大制......一切回復正常~~ :p

執屋~

都搬咗入新屋成兩個星期,我哋兩個仍然好懶咁未執晒間屋~~~ :p

這 d 咪叫"有頭威,冇尾陣"囉~~~ 起初果幾日真係好努力咁不停咁執執執執執~~ 只要兩個人一齊係屋企,就會不停咁執.......希望快 d 執好佢~~ 點知過咗幾日咁的生活.......兩個人終於都頂唔順,要休息一下.......點知一休......就休到星期六、日才考慮繼續作戰~~ -__- 冇計啦.....執屋這件事,主力都係由男主人....即二少負責,我都係收拾吓 d 袋、拆吓 d packing 咁囉~~

因為星期六好努力咁係吉吉島到掃咗少少貨返黎,所以星期日要好努力咁繼續執執執!!!! 二少又好努力咁執好佢 d 玩具先~~ 哈~~ 我 d 冬天衫.........咪繼續係紙箱入面囉~~ :p 不過我又冇乜所謂,因為 d 衫都著唔到 gei~~~ 最緊要著到果 d 已經出晒黎咪得囉~ 亦因為二少好努力咁執好 d 玩具,我某部份的玩具亦可重見天日~~ 再拎埋少少係 4 樓的玩具上黎~~ yeah~~~ 我 d precious moment,終於可以離開個紙盒啦~~~!!!! 不過第日要 "mat" 塵時..... :><: 不過算啦~~ 佢哋出到黎我都好開心呀!!! \^o^/ 仲有 d 阿 jack、stitch........唔知我 d tigger 又可以點放呢???? 佢哋咁大家族...... :p

經過咁執一執.......我才覺得家陣間屋似返一間屋......冇咁冷清 or 唔知點的感覺.............係架,之前果兩個星期係架,我好怕二少要夜返架.......通常佢夜返我都情願係 4 樓坐得一陣得一陣架~~ 唔願上去囉.....咩喎~~ 咁上面冇咁多人氣、又冇咁溫暖......好似好冷冰冰咁..........

2010年8月18日星期三

浴屏~

這個應該係最後一 part 啦~~~ 哈哈哈~~ 入咗伙才黎裝,我哋都叫勁囉~~!! :O

點解會係咁做野架?? 你送貨送早咗,係咪可以打個電話俾我呢?? 又冇喎!! 大佬,你果塊係玻璃黎架,會爛架~~ 爛咗,我又要等多 2 個星期,仲有可能整親人,咁到時點算先???

我真係唔明架,唔明點解唔俾個電話我呢?? 係咪真係咁難呢??

好煩的 auditor~~~

其實都唔知係咪咁叫 Deloittle d 人,因為佢哋其實係做清盤果 d 囉~~ 唔係平時做 accounts 果 d!!! 事但啦,都係一樣咁 x 煩!!!!

WGAL 清盤到家陣,都已經係成年幾前的事,有好多野我都唔係好記得囉~~ 到上月尾打電話黎話仲有錢未 claim,叫我 check 返 email 睇返個數,ok 的話就改返個數 & 簽返俾佢哋就 ok 啦~!!等我 check 完 email,睇完晒所有野,都唔明要係邊樹改 d 咩 & 個數係幾多 + 點計~~ 咪打返電話問囉..........問完拎完 d details 再計一計,ok 冇問題就簽返俾佢哋啦~~

早幾日打電話黎問我 send 返俾佢哋未..........小姐,你有冇 check email 架,過咗幾日已經 send 咗俾你啦~~ 我冇錢買 iphone 4,亦冇 ipad / netbook 係手,唔可以一邊同你講電話,一邊係街 check email 囉!!!

跟住過兩日又打電話黎問同一個問題?? 咪話咗俾你聽 send 咗去邊囉~ 又問........ 仲要問埋有冇改到~~ 你冇病呀?? 冇改我 send 返俾你做咩呀?? 運吉呀!!

點知過多兩日又打黎,話我冇改到!!!! 小姐~~ 唔該你睇唔到的話,用放大鏡睇呀~~ 明明係 Particulars of claim 到寫咗,你又話冇,你係咪玩野呀?? 係你 d 好同事話寫係果度架,你睇唔到就話我冇寫到..........唔該你唔好講到家陣係你好人,幫我拎返我 d claim~~ 真係唔該晒喎,乜這 d 唔係就係你老細俾錢請你的原因咩?? 唔好講到好似好好人咁啦~~~~
好老實,唔係我覺得果幾百蚊係我應得的,我會唔要囉~~!! 你哋真係好煩!! 一件咁簡單的事,都要找我找 3 次都仲未做好!! 唔該你哋認真地檢討一下!!

好明顯,這一次我已經冇耐性同你哋講野,唔發火都唔得!! 唔該你哋一次過講晒所有野出黎,唔好再煩住我!! 如果我再一次收到同樣的問題,或者係因某 d 野唔清楚而仲未 claim 到錢的話,我會寫返封 complaint letter 俾你公司囉~~!!! 我唔明白點解你哋做野可以咁唔 professional~!! 定係你哋時間多,冇野做,找我哋煩呢?? 如果係咁.............唔該你煩第二個,唔好煩我!!!!!!!!!!!!!

2010年8月14日星期六

31 週的檢查~~

其實今次的檢查係最普通,亦都係最快的一次~~~ 哈哈哈~~
不過我開心的係..........我終於唔係一星期重 2 磅,係五個星期 6.5 磅~~ 哈哈哈~~ 連醫生都話我 ok~~ 叫我唔好食咁多肥膩野 & 甜野囉,佢話這 d 野冇益,又冇營養,得個肥字~~ 哈哈哈~~~ 老公話我食甜野多,要食雪糕.......但我反駁話兩星期食 2 次........點知醫生聽到話......一 d 都唔多,我隔幾日就食一次啦~~~ 呵呵呵~~~ 醫生都 buy 我喎~~!! :p

講返小小文先~~~ 佢好叻仔呀,這 5 星期進展良好~~~ 仍然 keep 到係中 b 的 range 到!!! 家陣佢有 4 磅幾啦,醫生話咁樣 keep 住,佢出世會有 around 7 磅~~~ @_@ 唔知我到時夠唔夠氣 + 力呢?? 唔諗咁多啦,最緊要小小文健健康康咁出世~~!!

2010年8月3日星期二

2010.08.03 Lazy~~

原來懶咗成半個月冇 update 到添~~~ 哈哈哈~~
不過這半個月都係努力咁為新屋添裝修的物品,希望今個星期日真係入得伙啦~~~ 唔想再兩邊走囉~~~
bb 的情況.........飲咗糖水,等緊收唔收到電話~~ 希望收唔到啦~~

2010年7月16日星期五

2010. 07 16 RESPECT

自問都唔係一個善男信女,但今次..... 真係火起~~!! 原本收工見到落雨都唔想坐電車呀啦,但係又唔想係落緊雨時行咁遠而沿途又係勁多人的地方,所以.....都係照坐~~!!

本來都相安無事架,去到銅鑼灣時仲突然大雨起上黎,有個好心的男人,雖然佢落車,但都幫手 close the window~!! then i said thanks to the guy~!! Cos i really get wet due to the tram moving and nobody have tention to close the window!!! After the man, Woman A sit down, and she try to open a little bit window, but outside is super HEAVY raining~~!!!! what is the result?? My bad and my body of right hand side is all wet!!! SHIT~!! I really want to open my umbella~! why i need to suffer due to Woman A open the window??? why??? I dont want being wet law~~!!!!!!!

cos im nearly get off the tram so i go downstair~~ what amazing stuff keep on happen~!! Im cleaning up my bag when im in lower deck~~ and Woman B is stand very closely to me. And due to my bag, she didn't saw im pregant woman. I said to her "i'm get off the tram too." "Just the tram move so I move, i didn't touch you~!" said by Women B. You didn't touch me??? You already step my toes~~!!!!! this mean u didn't touch me?? U didn't feel it doesnt mean the fact didn't happen!!!! I said " you step on my toes." "NO" said by Women B. Ok fine, i just want to keep on listen to my MP3 and hope u can shut your mouth!! so i didn't reply her~~!! but she keep on speaking~~~!!!! my temper was loss at that moment, ok fine, i said "SORRY!!" to her and then i keep on said "I dont really understand why i need to say sorry to someone who step my toes!!!!!!" "Cos I dont allow they step on my toes?"

this is not the end~! this is just the start~~!! the following conversation make me feel angry and not being respect!!

女人乙: "唔知係男人的話,唔知又會點呢?
我 (極度忍住把火): "我會大叫非禮!!"
女人乙: "仲以為你會撲埋去添~!!!" "我都係咁教我個女!"

這一刻的我...............極想大巴大巴咁打落去佢度~~~!!! what a shit talking???? and u said u teach ur daughter the same??? O REALLY~~!!! i can't imagine~~!!!!!! i really feel amazing!!!! u can said such words from your mouth, but u know to teach the normal reaction to ur daughter??? did u know what are u saying?? what fucking dame speaking you are???

Luckily the tram is arrived! I can get off and stop this shit conversation!!!! "O shit, what kind of ppl are?? U will teach ur daughter like this?? So amazing!!!! I can't believe law!! u know how to teach ur daughter, then I wish you GOOD LUCK~~!!!" said by me during i get off the tram and walking to the bridge.

i'm really really angry about this!! not due to being blame unreasonable, the most important is i'm not being respect!!! Even Woman A, i dont think she know how to respect others~!! nobody want to being wet. I understand the air is little when all the windows are closed. At least for me, I prefer less air rather than wet!!!! No need to say Women B!! I really want to ask her, did u know what is respect?? Ok, even im not respect you at the initial stage, but u dont need to said such words to me~!!

what is next generation? will they know RESPECT others?

2010年7月10日星期六

2010.07.10 Check Up~

經過五個星期,今日又係見 baby 的大日子啦~~ 雖然今次係 regular check up,但都好想見吓佢呀嗎~~!!!!!

這個五個星期真係神奇,點睇都唔明,我會重咗 9 磅!!!! 係呀,係 9 磅呀~~~~ 我完全找唔到這 9 磅去咗邊囉~~!!! 連醫生都笑我~~~ 笑我收埋收埋 d 脂肪係見唔到的地方,就好似腸咁囉!!! >< 其實咁大個女,完全冇諗過可以一星期重 2 磅~!! 我一向同體重冇緣!!! 瘦就易,想重呀........難囉~~~ 估唔到家陣可以咁..........好彩,醫生建議我食少 d 碳水化合物的食品,好似飯、麵咁,食多 d 高纖的食品,好似菜 "梗"、麥皮咁..........聽到麥皮我就扁晒咀囉~~!!! or 我可以行多 d,當做運動~!!! 好彩.......未話要限制分量 jei~~~ 如果限埋....我諗我的日子會好苦囉!!!!!!!! :><:


到今日的主角,baby 出場~~!! baby 今日..........只可以用曳曳黎形容!! 不過我用咗怕羞~~ 哈~~ 因為今日醫生專登開個 4d 俾我哋睇吓 baby~~ 但點知 baby 就不停咁擰轉面,唔俾我哋睇之餘,仲打咗我幾吓........有一下連醫生都睇到,係手 + 腳一齊打!! 痛到我呢......... 打完我咪繼續縮囉......縮縮吓又打囉.......直至我哋放棄,佢就唔打我囉~~!!! 你話你係咪曳曳呀~~ 連醫生都冇你乎呀~~ 不過.......你打我的罪證,醫生已經拍低咗........ 等你第日大咗再俾返你睇啦~~!!!

2010年7月9日星期五

2010.07.09 剪髮~

yeah~~~!!!! 終於都剪短晒 d 頭髮啦~~~~~~~~ 輕晒又冇咁熱喎~~!!! 早知係咁,一早找阿 belle 剪啦~~ 唔洗晒多我一次錢呀~~!! (不過................好似係二少俾架喎..........)

不過今日真係辛苦晒 ophe 啦~~ 要你等咁耐........ >< 不過最辛苦你的係........等咗咁耐之後,仲要等............位食飯~~~ 因為周圍都太多人的關係,我哋決定去咗柯士甸道附近的韓國餐廳~!!

味道呀..........都係味家好味 d 囉~~!!! 點解個牛肉鍋係冇麵 or 飯跟架??!! extra order 仲要等到水都乾才到麵...........玩野呀?!!!!! 仲要問個麵係咪放落去........唔放落水唔通就咁食?? ?_?

點解味家 close down 架~~ 我好掛住你呀~~~ 你會唔會係某地方開咗架?? 有人知道唔該通知聲~~ 我要去~~~~~~~~~~~~~

2010.07.08 Octave 柯廸夫 2

哈哈哈~~ 唔知點解想分開兩篇寫~~

之前都聽過預言書,但成日都唔記得係 kenny 唱的~~ 直到聽到軒仔唱~! sorry,這首歌佢好應該自己黎返黎唱~~!!! 雖然 kenny 唔係唱得差,但..........同軒仔比,係冇得比囉~~~!!!!!!! 又再一次證明,作曲人自己唱返係最好聽架~~!!! :p

Ivana,真係好甜..........把聲~~~!!! 睇完發現有 d 歌今次隻碟冇 gei~~~ 找找找~~~ 原來係上一張唱片 gei........要返屋企找吓先~~~ 應該有架~~ 要 load 返落 i-pod 到聽返夠本才得~~!!!!!

阿祖........你仍然係咁 charm~~ 但你今次............真係最突出係你啦~~ 竟然謝幕時甩褲?! 真係最搶鏡係你啦~~ 不過我相信你唔係有心咁做的~~!! 不過下次要小心 d 啦~~!!

2010.07.08 Octave 柯廸夫

<柯廸夫 Octave>,一個關於聲音的故事。描述一群已習慣以虛假的聲音,甚至不發聲去生活的廿幾歲城市人,重遇喉嚨生繭不能唱歌的中學音樂教師,才終於記起自己已逐漸失去的真正聲音......。一個仕集合爆笑與感動的音樂劇,讓觀眾在生活、愛情、友情上的無奈感得到共鳴。

柯廸夫,Octave,音樂上的「八度音階」。
就似人生,若你只敢將聲音游走於一個 Octave,當然平穩過渡。
你敢將你的音域擴闊到二個,甚至三個 Octave 嗎?
生活自此會如履薄冰,容易走音,
但人生才會變得悅耳有意思。

"今次 <柯廸夫>這個戲要談的,可能只是一個老掉牙的夢想精神,當中不乏幼稚,無聊與天真,但回想一下,當我們步入成年,失去童真,失去夢想的同時,失去的東西可能更加多,更加沈重。如果生命需要動力,名利只會是一時之快,最能撼動心靈的,我相信就是最純淨的善和愛。回溯過去,我們一定曾經擁有過,或多或少都不能否定,除非你選擇逃避承認她們的存在。因為,要存沒有計算,亦不能估量測度的善良,實在需要更大的勇氣。" fm 導演 ~ 司徒慧焯 的話~


很現實的一套劇!!! 中學時充滿幻想,對自己有興趣的事可勇往直前,完全冇諗過 "失敗" 這兩個字~~!! 當事情發生後,又係咪可以承受 "失敗" 所帶黎的痛苦?? 人大了,出黎社會工作,又係另一回事,當初的夢想、熱情,已拋於腦後,換黎係為生活忙碌、煩惱、為現實低頭,有時仲低到連尊嚴都可以放底?? 這是否又代表正常??

小寶所演的老師,好明顯係一般的老師 / 家長的諗法,以為自己做的野,就係為下一代好.........請問一句,有冇認真咁諗過,係咪真係為佢哋好?? 小時候,冇受過挫折,到出黎做野的時候,又有冇能力承受挫折、失敗及壓力?? 又有冇能力去解決這 d 問題?? 太保護佢哋,又係咪一件好事??

Ivana、軒仔、阿祖、阿 dee 同媚 e,學生時代充滿幻想,覺得自己有能力係話劇比賽中通殺~~ 哈哈~~~ 自以為是,目中無人,咪就係這 d 囉~~ 但又係咪一件壞事?? 我又唔覺喎~~ 起碼係讀書時發現 / 跌低,好過大咗才受~~ 未必人人受得住架~~!! 不過家陣 d 年青人...........唔敢講,或者會選擇自殺都唔定~~
長大後的佢哋.........為咗生活,放棄夢想,每日為兩餐、為家庭、為名利而工作,但佢哋的生活快樂嗎?? 我唔知道........因為小寶的事,令佢哋重拾返夢想,過咗一段精彩的生活,起碼冇再帶住個遺憾生活呀~

你呢.........你的夢想係邊呀?? 係咪又同其他人一樣,只羨慕別人的成就?? 但從來冇諗過人哋的付出同堅持?? 人生就係由成功同失敗所組合成的。一次的成功 / 失敗唔代表永遠,最重要係個過程我哋付出咗幾多~~ 這個我覺得比較重要~!! 為咗重要的事付出過,才叫人值得讚賞,那怕只是失敗的結果!! 人生要有喜有悲,有苦有樂,才叫完整。

完場時,我個腦係諗起五位大叔~~!! 係........又係五月天~~ 佢哋係好切合 "柯廸夫" 這個名~~ 佢哋仍然好努力咁係佢哋的音樂上努力,為佢哋的夢想努力~~!!! 雖然我這刻,已經忘記咗細時的夢想,但見住佢哋五位,我會有動力為自己的生活而努力,起碼我唔係行屍走肉咁返工放工先啦~~~~

2010年7月7日星期三

2010.07.07 嚇親~

之前一日已經發夢俾烏卒卒咬到,嚇醒咗............點知.........今朝............

今朝一早起身,係未完全瞓醒的狀態下去執返 d 眼耳口鼻。但點知~~~~~~ 今朝唔知邊個咁多手.......定係昨晚邊個咁冇手尾,拎開咗烏卒卒個 cover 喎~~~~ 佢今日又勁活躍........係咁好努力咁想爬出黎............我又有帶眼鏡,搞到我都睇唔真佢爬到邊~~~

亦因為佢咁活躍,不論我去 vv 或者刷牙時,雙眼係冇離開過佢.........因為我真係好怕佢.......好怕被佢咬!!!!!! 但漱口時........冇法啦........點知就係這一陣.........佢已經成功地將佢雙手 & 頭放咗係箱邊...........好彩的係.........佢唔夠力結果反身!!!! 我立即九秒九咁拎個 cover 放返係箱面..........希望佢會冷靜 d............ 我就爭取這少少時間洗面 & 衝返入房!!!!!!!!!!!!!!

講真一句,我住越唔順心、越冇安全感啦,幾時搬得走呀?????????????????????????

2010.07.01 赤柱遊~

二少出完 trip 返港的假期就係陪大當家兩老飲茶 + 去赤柱睇 bb 衫~~~!!! hohoho~~~~~ 只可惜兩老唔得閒,如果唔係一定拉埋兩老一齊去~~!!!

先係灣仔飲完下午茶,再去赤柱受刑~~~~~ 嘩~~~ 點解我會擇今日架~~~~ 熱到溶啦~~~ 不過好好彩的係........... d 衫仔好靚 & 好平囉~~~!!! wakkakakaaa~~ 我哋 total 買咗 8 件衫,5 件短的,3 件長的,total 都係 2xx....... 為返都係 3x 一件........yeah~~~!!! 如果 bb 樣樣野都咁平就好囉~~!! ><

今個月 bb 的 quota 就用晒啦,下月都冇 quota 去買衫啦~~~ 因為 8 月有 bb 展,應該要買埋其他的物件啦...........唔知今次可唔可以買到張 high chair 呢??????

2010年6月28日星期一

2006.06.26 屯門遊~

為咗屋企 d 傢俬,要入一入屯門去揀料 & 睇吓有冇其他平傢俬可以買......... 但天公不做美,不停咁落落落,二少諗住自己入去,我都係乖乖地係屋企吧啦~~~~當然佢這個算盤係冇法打響啦!! 因為........我唔會乖乖地係屋企囉~~!!!

因為聽到大當家話好塞車,結果就坐咗西鐵入去啦~~~ 但係.......起點係杏花村.....真係坐到有 d 傻咗呀~~~ 好彩去到中環站係零食物語到 shop 咗一陣......咁都開心返 d~~!! 最好笑係係 zoe & bear 到見到隻好型的 woodstock~~! 超想買俾小 phe 囉...........連二少一睇都話係佢架~~~!! 不過.......近排 d 錢都係小心 d 洗好~~ 洗大咗,好大鑊,所以......忍住忍住~~!! 不過遲 d settle down 晒所有野,我唔排除我會送佢俾你~~~ ^^

去到屯門...........大雨到呢...................結果打的去咗卓爾居......但點知....目的地唔係果度,我哋又要行返轉頭!!!!! 點知.......原來係西鐵站對面........車~~~~

二少就努力地傾傾傾傾傾,我............乖乖地坐埋一邊睇同等~~~ 得閒咪講兩句囉~~~ 哈~~ 因為我份人真係冇乜想像力!! 所以都係交俾二少啦~~ 等佢傾完之前 d 圖,就開始睇埋其他傢俬啦..........床、電視櫃、枱等等等...........結果...........差唔多全屋傢俬都係做.........不過有版你睇同冇版你睇的分別囉~~~~~~~~~ wakakakaa~~~~

我哋走的時候,好心人話我哋知有 9xx 巴士出返去~~~~~~ 嘩~~~~~~正呀~~~~~~~~~ 我勁怕要坐返西鐵呀~~~~~ 雖然今次應該有位坐!!!!

一個屯門遊就 ok 埋 d 傢俬.........咁.......應該 ok 啦掛~~~~~~~

2010.06.25 氣死我了~~~

香港冇品的人我知道有好多~~ 但估唔到可以多到咁............ 今日又俾我遇到一個賤男!!! 應該係賤叔才真,因為佢係一個阿叔~~!!

係坐巴士返屋企時,上車發現有個位,當然會坐啦,阿叔好無奈咁要拎起個袋俾我坐 (這個位係單人位後面個位) !! 跟住阿叔就 "put" 扇 "put" 足一程車~~ 雖然你係咁用手撞到我,但我係唔會因為咁而離開個位!! >.<

到我落車時,賤叔本色就出現囉~~!!! 見我起身,佢用手拎開係最開面果支行山竹........我心諗,唔該晒喎~~ 你支竹一定係貴野囉,咁寶貝!! 而佢對腳........係冇離開過地面 / 冇任何移動過的痕跡!!! 亦因為咁,所以我輕輕掃開阿叔隻腳.........點知阿叔個反應係.......................一腳踢返落我度~~!!!!!!!!!!! !_! 嘩,我彩我身手敏捷,冇趺落地 jei~~!!! 忍唔住度火,同阿叔開火!!!

我: 大肚婆都踢你有冇搞錯呀~~
叔: 死八婆,踢我仲話我..................(已經聽得唔清楚)
我: 你小心 d,一屍兩命你賠唔起~!

這一刻,我心中已祝你 "萬壽無疆" "小心身子" 囉~~~~~~

我當然忍唔住度火,立即找人講講講啦~~~~~~ 這個人,咪就係二少囉~~!! 我差 d 嚇死咗佢添喎~~ :p 無品的人我都真係見唔少,但估唔到係這個咁細的地方係越黎越多 jei!!! 究竟係政府的錯,定係父母的錯呢????

2010年6月11日星期五

2010.06.10 抽筋~!

唉.........已經一排冇抽呀啦,仲以為會好少少添~~ 點知..........昨晚就黎料啦~~!!! ><

好彩,二少昨晚早返係屋企,都叫做有個人幫幫手.......就係瞓前做做吓拉筋,就咁就抽咗囉~~~作死~~~~ 痛死人囉~~!! 仲要我痛兩次....... :><:

好啦,咁夜少少就去瞓啦~~~ 點知半夜.....................嘩~~~~~~~~~ 作死你咩~~ 抽小腿~!!!!! 想痛死人啦~~~ 又起唔到身,又唔知做咩隻腳半天釣,想自己拉返條筋.....又點唔到隻腳,想叫二少起身....又唔捨得........真係有苦自己知~~!! >< 好彩,好快就抽完,我咪又繼續瞓囉........不過痛醒果下就真係...........

諗返轉頭......我都好似醒咗才開始痛........ >< 點解會咁架~~!!!!

2010.09.09 fm friend~

這是友人從 fb 留下的 message:
給你: 沒有絕對的愛跟恨吧~~至少我想對我來說是這樣, 放開點, 不是為了別人, 而是為了讓自己好過~!! 氣話我們能說上一天, 但無幫助嘛~!! 一起祈禱, 加油! =)

這是友人估到後再聽到我說的故事後留下的言語~~!! 一段很有力亦很有心的言語!!! 我們在不同的時間,為極類似的事件而嬲怒、而悲傷,亦希望有時光機的出現。我想我們在往後的日子,只要想起這件事,我們也可以氣爆~~!! 但我相信我們所氣的,是因為我們有心而無力,不能做到什麼~!!

現在我想要多點跟家人一起,笑多一點,幸福多一點~~!! 我要努力做好自己,不是為了誰,而是為了自己~~!!

我相信善惡到頭終有報,人在做、天在看。每個人都要為他的行為負責的~~!! 不是大姦大惡才會晚年苦,我相信每天一點一點的小壞事,也足夠晚年受苦~!!

2010年6月9日星期三

2010.06.08 出生與死亡

人的出生就是死亡的倒數~
聽落好灰咁樣,但這個又係事實喎~~!!! 但係咪因為咁,人的一生就變得灰沉沉,一 d 都唔精彩呢?? 我又唔覺喎~~!! 我每日依然會努力咁為明天而生存,為達成目摽而努力生活~~ 咁樣做,我又係咪過緊一個消極的人生呢?? 其實由出死後,會好多人好避忌死亡這個好貼身的話題,大家都好避忌,唔知點解?! 或者唔想人哋覺得自己思想好灰暗掛~~!! 其實我覺得有勇氣面對這個題目的人才最勇敢~~ 佢的人生才會最精彩~~ 因為佢會用有限的時間去做 / 實現佢的夢想~~~

我心情好矛盾,係我肚入面有一個小生命將會係幾個月後來臨到這個世界,但同一時間,有一位親人每天在倒數,隨時都會離開~~ 小生命帶給我們開心、歡樂、希望,親人的離開帶給我們傷心、悲傷。兩種極端的心情在我內心到打交~~ 這個比起情緒病發更討厭,因為...........我控制唔到~~!!

以前我一直以為我會嬲你一世,甚至到你離去的時候,我唔會為你流一滴眼淚!!! 原來我錯了~~ 當我聽到他們這樣對你時,我反而覺得嬲!!! 係嬲!! 點解可以為咗 "錢" 唔妄顧你的性命?? 係佢哋眼中,你真係咁礙眼?? 真係連 "錢" 這 d 身外物都不如?? 如果 "錢" 可以為你減少痛苦,我願意俾~~!! 你已經九十幾歲了,要受的苦,我相信這十幾年你都受夠了~ 唔需要係這個時候再添加你的痛苦了!! 希望你一路好走,不要太痛苦!!

如果世界真的有時光機讓你重回,你會否仍是選擇同一條路??

2010.06.07 讓坐 again~

今日又有一個姐姐讓坐俾我啦~~~ hohoho~~~ 其實入到車廂見到個吉位俾位老外坐咗之後,就一心諗住找塊玻璃企吓~~ 點知........有個姐姐就企咗起身,行開咗 (係勁 cool 果隻~~~)..........就咁,我就有位坐啦~~~

八掛的我,當然想知人哋係有心定冇心啦~~!! :p 原來個姐姐係灣仔才落車........我都有少少唔好意思......不過....這 d 咁的情況,唔係成日有~~!!! 上次個阿姐,見住個位係我隔離都衝埋去,我都費事同佢爭~~

但點解,這 d 咁簡單的事,都越黎越少見的???

2010.06.04 檢查~

今日又可以見吓 baby 啦~~~ 唔知今日會唔會知佢咩性別呢?? 其實我只係八掛果份 "清宮圖" 係咪準囉~~!! :p

因為今日本身係約咗政府照結構的關係,叫咗老公請假陪我去,所以亦都約埋私家醫生一次過~~ :p 其實都有少少趕架~~ 不過都叫做 ok 啦~~ 唔算好辛苦!!

朝早係私家醫生到照的時候,baby 好乖呀~~ 坐定定咁俾醫生照喎~~ !_! 唔似上次咁曳曳,玩醫生~~ 亦可能因為咁,醫生好好人咁好似照結構咁照........ d 手手腳腳、心、胃、頭頂骨、甚至係個面都見到呀~~!! 照佢個面仔時,佢仲係度笑添喎~~!! baby, you are so cute~~!! 之後醫生仲好肯定咁話俾我哋聽,baby 係男仔黎架~~!!! (哈~~ 個 "清宮圖" 又準喎~ :p)

跟住我哋就要返贊育照結構啦~~!! e~~~~~點解 d gel 係暖架?? ?_? 好神奇喎~~ (因為係私家醫生度 d gel 係凍架~~) 點解要咁大力呀? 好唔舒服喎~ >< 仲要成個心口 + 肚都係 gel?? 咩事呀~?? 連 baby 係肚仔都 feel 到唔多點.........人哋一路照,baby 就周圍郁,郁唔停.......照到手仔時仲見到佢係度 "葉問" 緊添喎...... (這個係爹爹講架~~ 唔關我事架~~) 到睇佢個樣時.........佢咀扁扁呀~~~ 我估佢真係好唔舒服~~!! 好彩過多一陣就檢查完囉~~!!

baby,媽媽會努力,你都要!! 我哋期待見你架~~!!! ^3^

2010年6月2日星期三

2010.05.28~30 五月天世界巡迴演唱會 (2010無限放大版)

期待咗一年的五月天演唱會終於都到啦~~~ 一連四場........但我只可以參與其中三場....... :><: 這個係我今年的一個遺憾。因這個遺憾,我會更珍惜下次與你們一起的時光~~!!

講返今年個 concert 先~~~ 28 號係我最大驚喜的一場,因為係頭場,唔知 rundown,所以某些歌的出現,真係令我好感動 & suprise~~!! ^^ 29 號係我最溫暖的一場,因為有你與寶寶與我一起,更有石爸唱的 "咿呀呀"~~!! =^_^= 30號係我最 high 的一場,因為這個係我的尾場,唔理三七二十一,一於要 high 爆為止~~~~!!!!^0^

我一直以為你哋個 rundown 會同舊年差唔多,但估唔到你哋小小的改變,已經對於我有無限的震憾~~!!! 果然做到無限放大~~~~~~ 舊年唱"一顆蘋果"時,係其中一首我第一次接觸就已經愛上的歌 (仲即刻找返果隻碟添~~~~),但千算萬算,都唔會算到今年你哋會將 "時光機" replace 咗 "一顆蘋果"~~~ 我聽到 intro 那一刻,我心想,我死了~~~!!!!! 我真係估唔到你哋會唱舊歌~~~!!! 真的.......真係好希望聽到你哋唱 live,但......又明白你哋太多歌可以選擇了~~~~ 估唔到願望成真了~~~~!! 謝謝你們~!!! 雖然一直和你哋一起唱,但我的眼淚亦忍不住,缺提了!!! :^^: 但那是開心的眼淚.......
yo 爸被我哋逼跳舞的時候,你哋也跟我們一起起哄,你哋好曵呀~~~!! :p 不過我還是喜歡你們孩子氣的一面,好可愛呀~~!!! 當然,yo 爸亦沒有讓我們失望,跳了幾下,我被電暈啦~~~~~ "笑忘歌" 繼續係感動位~~ 萬人手拖手的場面,我唔會忘記~~!!! 驚喜再次出現係 "生命有一種絕對",另一首我愛的歌出現~~~~ 我再一次死了~~!! 但..........世事就係咁奇,一不離二,二不離三,第三次死亡就立即出現,一 d 休息的機會都冇~~!! "倔強"~~!! 假的,假的,假的~~~ 不能相信自己的耳所聽到的音與詞~~~!! 結果......我用力唱回應了你們,你們聽到嗎??
"戀愛ing" 時阿信的最佳作詞人上身了~~!! 真係俾你笑死~~ 無啦啦變咗 jazz 版仲要加埋 d 歌詞入去~~~ 知啦,知啦,知你係最佳作詞人啦~~!!
驚喜係未完架~~!!! 就係你哋再次出場,yo 爸輸咗之後,這個最大的震憾就黎咗啦~~~ "超人" 的 intro 呀~~~~~~~~~~~~~~~~~~~~ 救命呀~~~~~ 我今晚唔洗瞓囉~~ 之前正式的 rundown 已經將我放大到唔知去咗邊啦,你哋仲想我放到幾大呀????? 哈~~~ 原來你想放到我返唔到落黎!! 因為 "擁抱"、"彩虹"、"愛情的模樣" 跟住出黎~~~~~
28 號的結果,死咗、死咗、死咗 & 死咗囉~~~~~~~~~ 聽的時候以為會瞓唔著,原來我靜靜地已經用晒 d 力氣去陪佢哋唱!!! 上咗車,我已經累到瞓咗都唔知囉~~~~!!!

29號,因為有你係我身邊,所以當阿信唱 "最重要的小事"、"天使"時,我感受好深~~!! 雖然你未做到歌詞所講咁,但我知你好努力咁做,我希望你可以做到更多更好,令我覺得更幸福~~!! 當 encore 時見到怪獸跟 masa 蝦石爸時 (因為怪獸跟 masa 一齊出"拳",一直沒變),我就知今晚可以如願,有你係身邊一齊聽 "咿呀呀"~~ 這是小寶寶的歌,但有你在身旁,令我感受得更多更好~~~!!!! "志明與春嬌" 今晚都一齊玩啦~~!! 但估到唔到百厭的阿信,玩完小妹妹仲要玩masa~~ masa 你好可憐呀~~!!! fish 都嫁作人妻了,阿信仲要繼續灑 salt,你傷口覆完了沒呢???

30 號,我的尾場~~ 好想好想買埋 31 號的飛,但........錢真的沒有了,不可以了~~!! 只好努力地大叫、大聲唱,用盡我所有的力氣,回應你們的努力吧~~~!!! 但估唔到,今晚驚喜繼續黎~~ (其實你哋預備咗幾多驚喜俾我哋架??) "i love you 無望" & "透露"~~~ 再一次敗給你們了~~!! 阿信,你是否很喜歡拿你的伙伴們玩笑?? 昨天是 masa,今天是怪獸~~!!! 他褲子破了,也夠可憐啦,你還要公開這件事情........可憐的怪獸呀~~~!! encore 時阿信也得到他的懲罰了.......被小朋友耍了~~~!!! 哈哈哈~~ 好可愛的小朋友呀~~~ 不懂你們是誰,但是懂得唱你們的歌~~!! 哈~~ 真可愛~~~

我的聲音就在 30 號晚留在紅館了~~~

五月天對我們說 "你不曾離開五月天",我想對五月天說 "五月天也不曾離開我"

2010.05.28 讓坐

估唔到今時今日咁的情況,我仲會忍唔住讓坐係老人家~~ 唉......家陣 d 後生真係.......

今朝返工坐巴士的時候,見到個婆婆震震吓咁行入車廂,又冇人肯讓坐俾佢喎,我見架車都唔係好多人企,咪起身讓俾婆婆坐囉~~ 婆婆仲叫返我坐添.....我今日又唔眼瞓、又著咗波鞋、而且行完東廊都落車囉 (雖然左一袋時右一袋~~),不過唔緊要啦~~ 婆婆有咩事我個心仲唔安樂呀~~!!

我望一望四周,發現有兩個幼稚園的學生,一個係媽咪陪,一個係工人!! 咁工人唔會教,我覺得 ok 囉。但身為媽咪......係咪好應該教吓個囡囡要禮讓呢?? 我細細個坐車,如果兩老見到有需要讓坐的人,第一時間就會 dig 咗我起身,坐佢哋大脾!! 係架~~!! 讓坐這樣野,我係咁學返黎架~~!!! 我第日亦都會咁樣教我個小朋友~~ 這 d 咪就係人哋成日講的身教囉~~!!


結果,我咪由柴灣企到落車囉~~!! 不過我今日又企得好開心喎~~~!!! :p

2010年6月1日星期二

2010.05.27 shopping~ ^^

其實今日係拎 key 的大日子~~!! 但我又真係唔想拎完 key 返去俾兩老問我關於裝修的野...........又唔多想返 99 到食飯~~ 結果決定好趕咁落西環再返銅鑼灣食飯~~!!!!

當然拎 key 係好快的一件事,簽個名,拎 key,走得!!! 但拎咗條 key 後,就代表間屋係我哋呀啦~~~ 終於都可以有個自己的家啦~!!! 唔知幾時可以入去住呢??

返到銅鑼灣,去食 undo~! 一間想試好耐,但次次唔係人多,就係未夠鐘食飯~ >< 食飽飽跟住就走咗去 walker shop,係呀,係 walker shop~~!! 因為 phe 話之前係果度買咗對鞋俾佢媽媽仲要係勁舒服,咪行落去睇吓試吓囉~~!! 成日返工都俾人話我著咁高.......人哋真係冇平底鞋呀嗎~~!! 人哋著平底鞋真係會好易 pk 呀嗎~~!!! 唔得咩~!! :><: 點知落去一試.........先試平底......企起身.....一冼~~~~~~~~~~嘩~~~ 洗唔洗咁冼呀個地.......嚇親自己~~~ 都係試返對高跟涼鞋....... 哈~~ 又冇事喎~! 仲可以跑添呀~~!! :p 咩 jei,人哋真係著慣咗呀嗎!!!!!!!!!!!!!!!!!


結果.............一對平底鞋 & 一對高跟涼鞋~~~!!! :p

2010年5月27日星期四

2010.05.27 裝修......

今朝收到報價單.................嘩~~~~ 乜真係要 10 幾個架....... c6仲成日話唔洗唔洗....... 這次都唔知 d 錢點黎囉~~~
睇完份報價單......乜心情都冇晒......個心情 = 個天色一樣 = 灰灰灰~~~~

2010.05.25 讓坐

今日第一次有人讓坐俾我~~ 哈~~~ 乜我個肚有咁大啦咩?? 定係遇到一個好心的人?? 我覺得係後者囉~~~~!!! 我鍾意人心地好~! :p 但估唔到讓坐果個係一個姐姐唔係隔離個哥哥~~~ 好笑的事就發生囉........因為姐姐讓坐俾我,咁隔離的哥哥係大約 20 - 30 秒後都讓坐俾我同事......搞到我同事都唔知坐唔坐好~~
點都好~~ 好心人有好報!!! 我都會努力教寶寶要做個禮讓的人~~ ^^

2010年5月24日星期一

2010.05.21 小寶寶的禮物

其實係迪迪仔已經累爆的兩個人,又竟然仲有力氣去行減價中的永安~~ 真神奇!!!

因為男人話唔介意過海,我又唔想 pril pril 走太遠,所以決定係油尖旺到食飯!! 亦因為咁,我哋就決定先到永安一遊~~~~ 因為我想睇吓小寶寶的未來要用的物品,究竟係咩打咩 & 價錢!!!!!

點知一上到童裝部,就被 d 和尚袍仔吸引住啦~~~ $90 有 3 件仲要再有 85 折!! 對於一個成日話 bear bear 衫貴的我黎講......又真係幾吸引~~~ 計返都係 $2x@....而且和尚袍又真係都幾成日要換架~~ 今次仲要係長袖,有 d 厚少少,有 d 都薄身,arm 晒我這個係唔熱唔凍的天氣出生的寶寶~~~~ :p

跟住又俾這個㛃媽找到件好搞笑的毛毛衫,係豹豹紋黎架~~~ 雖然件衫係 for 0-6個月大,到時天氣亦應該係 arm 晒....但....我怕阿 b 係大隻 b,所以唔敢買~~!!

之後就行咗去睇佢 d 日用品囉~~~~ 牌子又多、物料又多、價錢就大家都差唔多,所以都係得個睇字!!! @_@ 但點知去到床品的時候,竟然俾我找到我想買俾阿 b 的一套床 set 喎~~~ *_* 仲要平咗幾十蚊添~~~ 結果一輪商討,決定由 pril pril 㛃媽送俾寶寶~~~!!! yeah!!!! \^o^/

寶寶今日有好多禮物收呀~~~~

2010年5月23日星期日

2010.05.21 迪迪仔~

因我有 yearly pass 的關係,再加上 disneyland 做緊 promotion (可以免費帶一個朋友入場) 的關係,再加上有人話想去迪迪仔的關係,我今日就入咗去囉~~~~ 其實對於我黎講,我冇諗過係這段時間入迪迪仔囉~~ 仲要係假期添~~!! 希望唔好咁多人啦~~~~~~~~~~~

點知...........去到欣澳站~~ o~~~ shit!!!!!! >_< 超多人囉~~~ 都成 11 點幾呀啦,仲有咁多人入場架~~!! 入面實唔少人啦~~~ 再去到見到買飛入場的人龍...........o~~~~~ NO~~~~~~ />0<\ 真係.............想死囉~~ 又熱、又晒、又焗、又人多~~ 我真係想返轉頭架~~!!!!

好彩入到去又唔係想像中咁多人~~~~!!! lucky~! ^^ 因為時間的關係,已經趕唔切第一場的 golden mickey show,所以先去 winnie the pooh 到拎咗張 fast pass 先,再去睇 mickey 4D show~~ 這個係我冇論入幾多次,我都唔介意睇的一個節目~~!! 哈~~~ 因為個主角其實係..............donald~~~~~~~ yeah~~~!!! ^0^ my donald~~~!!
睇完 4d show,又未夠鐘睇 golden mickey,又見死肥仔唔多人排,咪同 pril pril 排吓囉~~~!!!! 意外地,我竟然同死肥仔映相喎~~~ 哈~~ 奇聞呀~~~~~~~~~~~

映完相,又差唔多時間,一於去睇 golden mickey~~~!! 由於人太多,我哋只可以坐係都幾後面的中間.......因為唔知點解突然間俾我發現咗兩個位係中間係冇人坐架~~~~~~~ lucky~~!! ^^ 這個時候,當然係練習相機的時候啦~~~!!!
睇完都成點幾囉.........係時候要食 mum mum,去咗 tomorrow land 食 burger!!!! 又唔算好差喎......係杯汽水太凍,我飲唔到 jei~~~~ 食飽飽,坐咗陣就出去找位睇巡遊囉~~!!

今次又俾我遇到一個無禮的男人 & 小朋友~~!! 這個無禮的男人係會唔聲唔聲咁逼埋你身邊.........我就覺得奇怪,大家都冇郁,點解我會越企越辛苦 & 逼........之後亦都同 pril pril 換咗位.......辛苦了 pril pril 啦~~~ 無禮的小朋友........哈~~ 真係唔知好嬲定好笑,但如果係我個女,我一定打巴佢~~~!!! 事原係咁: 我同小朋友因為企得太出 (當時未拉繩,所以唔知~~~),所以要企返入少少,點知我就被小妹妹"chai" 住咗啦~~!! 跟住我話小妹妹啦,佢亦都乖乖地咁收返佢隻腳.....但一句 sorry 都冇囉~~!!! 我當然覺得唔得啦,咪問個小妹妹囉: 乜你 "chai" 親人都唔 say sorry 架?! 跟住佢媽咪就叫佢要 say sorry,點知小妹妹係小小怒 bear 咁用佢極快的速度講: 對唔住! 嘩~~~~ 聽到我都忍唔住同 pril pril 講: 咁悔氣就唔好講啦~~~!!! 點知睇睇吓個巡遊,精彩之處才出現~~ 小妹妹突然喝佢阿媽話: 我都話我口喝囉~~~!! 嘩嘩嘩~~~~ 我同 pril pril 聽到傻咗........咁都得~~!!! 俾我係佢阿媽,我唔打佢才怪~~!! 或者我會當我聽唔到 or 一大堆道理後,唔會俾野佢飲~~~!!! 我的小朋友係唔可以咁有家教架~~!! 雖然我都唔係好果隻~~~~

睇完巡遊我已經冇乜精力再係迪迪仔遊,結果我哋玩埋巴斯光年就走 lu~~~~ 連煙花都放棄咗~~~

但千萬都估唔到今次入去,我竟然只係買咗支筆俾我個同事,自己咩都冇買到囉~~!!! 真神奇~!!

2010年5月19日星期三

要搬家了~~~

我自認係一個懶人,所以唔知幾時才可以將以前 yahoo 的 blog 搬返黎這個新家~~!!! 我會盡力努力架啦~~!!

或者咁囉.........你有興趣的,咪去我 yahoo 個 blog 度睇返 d 舊文囉~~~ hohoho~~~~~~
http://hk.myblog.yahoo.com/maggmagg-1024